Skráin
Skráin fyri Føroya Sjómannadag 2026
Klaksvík · 17.–23. august 2026
Føroya
Sjómannadagur
Familjudagar við mentanartiltøkum, kappingum, undirhaldi, framførslum, góðum mati og hugna fyri bæði børn og vaksin. Alt er sjálvsagt ókeypis.
Norðlýsið sendir beinleiðis leygardagin 22. aug FM 98,7nordlysid.fo
Mánadagur · 17. august
Fiskivinnutingið
20.00
Vísundin, Vinnan og politiski viljin um botnfiskiskapin
KG Hotel
Meira virði úr føroyska botnfiskiskapinum — hvat krevur tað? Botnfiskiskapurin er í einari spennandi men avbjóðandi støðu. Betri marknaðarprísir, sterkari fiskastovnar og stórar íløgur í nýggj skip geva nýggjar møguleikar.
Lýsing
Lagt verður út við framløgu hjá Eydnu í Homrum, deildarleiðara á Havstovuni, um sjónarmiðini
hjá vísindaligu ráðgevingini. Síðani samrøða við Hanus Hansen, reiðara, um aktuellu støðuna og
útlitini til eina veruliga endurnýggjan av flotanum. Tingið endar við samrøðu við Bárð á Steig
Nielsen, fiskimálaráðharra, um botnfiskastovnarnar, fiskidagaskipanina og politisku kørmini næstu
árini. Byrjar stundisliga kl. 20:00 á KG Hotel. Øll hjartaliga vælkomin!
Týsdagur · 18. august
Framløgur á KG Hotel
19.00
Havsins áratíggju fyri burðardyggari menning
KG Hotel
ST gjørdi av, at árini 2021–2030 skuldu vera „Havsins áratíggju fyri burðardyggari menning“. Annika Sølvará, stjóri í Granskingarráðnum, greiðir frá tættir í átakinum og um føroysku luttøkuna, sum verður samskipað við Grønland og Danmark.
20.00
Hvussu stendur til í føroyskum fiskiskapi?
KG Hotel
Sigurgunn W. Várting, granskari á Sjókovanum, leggur fram eina støðulýsing við serligum denti á botnfiskiskap — gongdin í flotanum, fiskidøgum, veiðu og avreiðingum, føroyskan línufiskiskap og útlendska veiðu í føroyskum øki.
Mikudagur · 19. august
Eitt langt lív á sjónum
20.00
Jóan Petur Klein — samrøða á KG Hotel
KG Hotel
Blaðstjórin á Norðlýsinum, Jóhann Lützen, tosar við 83 ára gamla Jóan Petur Klein um eitt langt og fjølbroytt lív á sjónum. Jóan Petur fór fyrstu ferð til skips við sluppuni Fimm Systrum í 1958 og sigldi seinni við Polarstjørnuni, Norðingi og Pison, áðrenn hann fór í land í 1988. Eisini verður hugt aftur á barna- og ungdómsárini í Hattarvík.
Hósdagur · 20. august
Fótbóltur
19.30
Kí - Riga FC
Fríggjadagur · 21. august
Fiskikapping & vatnkríggj
17.00
Fiskikapping á Kósabrúnni fyri øll børn
Kósabrúgvin
Børnini skulu sjálvi hava tráðu og bjargingarvest við. Møtið í góðari tíð. Børn og vaksin fáa kaffi, kakao og góðgæti.
Nærri lýsing
Tilmelding á Kósabrúnni, har luttakarar fáa agn, posa og pappírslepa. Heiðursmerki til nr. 1, 2 og 3 í
hesum bólkum: gentur undir skúlaaldur, dreingir undir skúlaaldur, gentur í skúlaaldri og dreingir
í skúlaaldri — umframt atgongumerki til Sirkus Baldoni og góðgæti. Tann, ið fiskar størsta fiskin,
verður útnevndur fiskikongur/-drotning og fær steyp og sleingitráðu frá Berglon. Heiðursmerkjahandanin er á stóra palli
leygarmorgunin 22. august kl. 11.15.
18.00
Stórt vatnkríggj — skip, bátar og á landi
Á Vágni & á vestursíðuni
Skip og bátar leggja at Kósabrúnni, taka fólk umborð, og so verður kríggjast millum bátarnar á Vágni. Sløkkilið og bjargingarfeløg luttaka. Kríggið endar, tá sjóverjuskipið blæsur tríggjar ferðir við skipslúðrinum.
Nærri lýsing
Á vestursíðuni, framman fyri Northern Fish Cold Storage, er stórt vatnkríggj á landi fyri tey, sum ikki
vilja umborð. Sjórænarar vitja. Øll, sum luttaka, kunnu rokna við at gerast dýggjvát — ver í
heitum klæðum. Tað er ikki loyvt at kasta vatnballónir á sjógv. Minnist til at lata tykkum í
bjargingarvestar!
Leygardagur · 22. august
Sjómannadagurin
09.00
Sjómannadags dypp
Neystið á Flesjum í Borðoyarvík.
Væntandi verður okkurt gott at fáa.
09.00
Seglskipini seta segl
Føroysku træseglskipini og motorbátar hittast á Pollinum.
10.00
Skipini leggja at kai
Fuglafjarðar Harmonikufelag spælir umborð á sluppunum. Í ár vera skipini Jóhanna, Westward Ho, Dragin, Grinkil, Norðlýsið, Thorshavn og Norðan við. Tey leggja at innast í krókinum við Stórukai.
10.30
Merkið verður vundið í húnar hátt
meðan tjóðsangurin verður sungin.
Síðani verður Føroya Sjómannadagur 2026 settur á stóra pallinum, og boðið verður til stóra morgunmatarborðið á bryggjuni.
Øki
Á stóra palli
10:45 – 19:00
10.45
Vælkomin
Karl Johansen, borgarstjóri í Klaksvíkar Kommunu, bjóðar vælkomin
10.55
Sjómannadagurin verður settur
Bárður á Steig Nielsen, landsstýrismaður í fiskivinnumálum, setur Føroya Sjómannadag
11.05
Heiðursmerki til bestu skip og bátar
Bárður á Steig Nielsen, landsstýrismaður í fiskivinnumálum, letur heiðursmerki til bestu skip og bátar í Føroyum
11.15
Vinnararnir av fiskikappingini heiðraðir
Umboð fyri Føroya Sjómannadag letur heiðursmerki til vinnararnar av fiskikappingini. Størsti fiskur verður kosin.
Fiskikapping: Medalju, Sirkus Baldoni atgongumerki og góðgætisposa til nr. 1, 2 og 3 í teimum fýra bólkunum.
Størsti fiskur: Steyp og sleingitráða frá Berglon
11.25
Størsti fiskurin skorin upp
Granskarar frá Havstovuni skera størsta fiskin frá fiskikappingini upp, og greiða í stuttum frá fiskinum.
11.45
Vinda hespur upp í noða
Føroyameistarakapping — fyri pør.
Vinnaraparið: Gávukort frá Hilton Garden Inn á gisting í 2 nætur í dupultkamari fyri 2 persónar íroknað morgunmat. Matskrá fyri 2 í Hallartúni annað av kvøldunum, uttan drekkivørur.
12.05
Kasta langlínu
Føroyameistarakapping.
Føroyameistari
Silvurvinnari
Bronsuvinnari
12.20
Agnskering
Føroyameistarakapping.
Føroyameistari: gávukort á 5.000 kr. · Atlantic Airways
Silvurvinnari
Bronsuvinnari
12.40
Skipalista-Kvissin — undankapping
Ernst S. Olsen & Gunnar Nolsøe. Kahoot! á telefonini — heinta appina. Finalan verður kl. 16.20.
13.15
Egning
Føroyameistarakapping.
Føroyameistari: gávukekk á 5.000 kr. · Kjølur
Silvurvinnari: gávukekk á 3.000 kr. · Kjølur
Bronsuvinnari: gávukekk á 2.000 kr. · Kjølur
14.00
Trolbøting
Føroyameistarakapping.
Føroyameistari: vikuskifti í Captains Cottage · Skipara- & Navigatørfelagið
Silvurvinnari
Bronsuvinnari: Atgongumerki til Summar Festivalin 2027 · Summar Festivalurin
14.50
Sjómanstak — innleiðandi umfar
15.40
Køkubaking — Føroyameistarakapping
Køkurnar skulu latast inn hjá Antinis kl. 11–12. Dómarar: Kondittarí Marietta, Ranvá Knudsen, Heðin Arge.
Besti smakkur: Samsung Galaxy S26 256GB Cobalt Violet frá Føroya Tele (virði 8.299 kr.) og ein posi við Callebaut sjokolátu
Besti teknikkur: Gávukort frá Bónus á 3.000 kr. og ein posi við Callebaut sjokolátu
Besti kreativitetur: Gávukort frá FK á 3.000 kr. og ein posi við Callebaut sjokolátu
16.00
Arctic Young Chef — vinnari avdúkaður
Norðurlendska kokkakappingin fyri ungar kokkar. Les meira á ayc.fo
16.20
Skipalista-Kvissin — Finalan
Ernst S. Olsen & Gunnar Nolsøe.
Føroyameistarar
17.10
Halda dregg — menn
Føroyameistarakapping.
Føroyameistari
Silvurvinnari
Bronsuvinnari
17.40
Halda dregg — kvinnur
Føroyameistarakapping.
Føroyameistari
Silvurvinnari
Bronsuvinnari: atgongd í Aldu Spa · KG Hotel
18.10
Kassastápling & svimjing um Vágna — Vinnarar
Svimjing um Vágna
Føroyameistari kvinnur: gávukort á 5.000 kr. · Atlantic Airways
Føroyameistari menn: gávukort á 5.000 kr. · Atlantic Airways
Kassastápling
Føroyameistari: iPhone 17 256GB Sage, virði 7.999,00 · Føroya Tele
Silvurvinnari
Bronsuvinnari: Atgongumerki til Summar Festivalin 2027 · Summar Festivalurin
18.30
Togtogan millum skipsmanningar
8 persónar pr. lið.
Føroyameistari: Cruiseferð við Norrønu til Íslands fyri 12 mans
18.50
Sjómanstak — Finalan
Føroyameistarakapping.
Føroyameistari
Silvurvinnari
Á Silvapallinum
12:00 – 16:30
12.30
Operetturnar
13.00
Trøllapætur, omman & ommudidd rokka
14.00
Filip á Smið
14.30
Barnatiltak og felagsspøl við Kæti
Aftaná bjóðar Silvi øllum børnunum okkurt gott.
15.15
Togtogan fyri børn
16.30
Flókar
Barnaøkið
12:00 – 19:00
12–18
Skattaveiða við Silva
Heinta skattakort í ís-teltinum.
12–19
Rógving á flakum
Fyri børn og ung í grunnum hyli.
12–18
Hoppiborgir
12–18
Andlitsmáling
í Trygd tjaldinum .
13–15
Ballónir
Betri Trygging — bjóðar ballónir.
13–18
Kramarísar
MBM og Sjómannadagurin — bjóða Kramarísar.
13–17
Franskar hotdogs
Trygd — bjóðar øllum børnum franskar hotdogs.
Á økinum
12:00 – 19:00
12–18
Skattaveiða við Silva
Sjórænarar hava stolið loyniorðið til stóru skattakistuna hjá Norðoya Sparikassa! Hjálp Silva at finna teir 7 sjórænararnar við bókstavum runt á økinum og savna loyniorðið á skattakortinum. Skattakortini kunnu heintast í ís-teltinum á barnaøkinum.
Øll, sum finna rætta loyniorðið, eru við í lutakastinum um eitt gávukort frá Klaksvíkar Handilsfelag, virði 2.000 kr.13–19
Føroya átiligasta fiskaborð
JFK bjóðar Fish & Chips. Fiskurin er fyrstafloks toskur frá Gadus, meðan chipsini verða framleidd úr nýggjum eplum úr Onglandi, sum eru serliga væl egnað til endamálið. Fyri at stytta um tíðina í bíðirøðini, kann hvør persónur í mesta lagi fáa fýra portiónir.
Føroya Bjór bjóðar sodavatn og vatn úr Føroya Bjór smáttuni.
Bakkafrost eru errin av sínum vælsmakkandi og heilsugóða laksi, aldur á føroysku firðunum. Aftur í ár fer Bakkafrost at borðreiða við ókeypis smakkiroyndum á bryggjuni. Hesar fara vónandi at geva tær íblástur til aðrar laksarættir.
Christian í Grótinum og Amarant. Á sjómannadøgunum í ár borðreiða vit við eini Pokéskál við heitt royktum makreli. Omaná bjóðar Amarant kaffi og eina rabarbu desert.
Kl. 14 - 18 Grillað grindatvøst við rómaeplum.
13–18
Poppkorn, kaffi, keks & saft
KAV & Norðvask — niðanfyri Roykivirkið.
13–17
Opið hús á Looknorth
Looknorth bjóðar øllum kaffi/te og vafflir. Víst verður runt á virkinum, og høvi verður eisini at síggja framleiðsluna og vørurnar, ið Looknorth framleiðir.
13–17
Opið hús á Netastovuni
Netastovan bjóðar øllum kaffe/té og okkurt søtt til góman. Høvi verður at síggja okkara framleiðslu.
14–17
Kassastápling
Føroyameistarakapping. Úrslitini verða kunngjørd á stóra palli kl. 18.10.
11–14
Brekumboðið opið hús
Brekumboðið er nýggjur stovnur, og lat upp 1.oktober.
"Hølini hjá Brekumboðnum er í økinum, har Sjómannadagurin verður hildin, og tí er høvið at vísa almenninginum stovnin,” sigur Eilif M. Arge, brekumboð.
Opið er millum klokkan 11 og 14 leygardagin 22. august.
Brekumboðið heldur til á Klaksvíksvegi 77 á niðastu hædd.
Í stóra tjaldinum
09:00 – 18:00
09–15
Arctic Young Chef (AYC)
Norðurlendska kokkakappingin fyri ungar kokkar.
10.40
Stórt morgunmatarborð
11–18
Listaframsýning
Lydia Petersen, Monica Ósá Henriksen & Magna Auðunsson.
Á sjónum
09:00 – 17:00
09.00
Seglskip seta segl
Træseglskip og motorbátar hittast á Pollinum.
10.00
Skipini koma á Klaksvík
Jóhanna, Westward Ho, Dragin, Grinkil, Norðlýsið, Thorshavn & Norðan — við Stórukai.
11–17
Sjórænaraskip
Trøllapætur, omman & ommudidd sigla stuttar túrar við børnum.
11–17
Opið skip
Westward Ho · Norðan · Dragin · Thorshavn.
13–18
Vilt á sjónum
Ókeypis túrar við skjóttgangandi RIB-bátum.
13.30
Bjargingarroynd
Norðoya Bjargingarfelag.
14–17
Jupiter opið skip
Opið skip umborð á Jupiter. Kaffi og okkurt søtt verður at fáa.
14–17
Ziska opið skip
Bjargingarbáturin Ziska hevur opið skip.
14–17
Lauge Koch opið skip
Danska sjóverjuskipið Lauge Koch hevur opið skip.
15.25
Svimjikapping á Vágni
Menn & kvinnur. ÆGIR skipar fyri — tilmelding: SMS við navni til 229950.
Sunnudagur · 23. august
Gudstænasta & sjómansmøti
11.00
Sjómansgudstænasta v/Marjuni Lómaklett. Gudstænastan verður útvarpað
Christianskirkjan
18.00
Sjómansmøti
Kfum & K Klaksvík
Øll hjartaliga vælkomin.